HUHEZIko Komunikazio masterraren arduradunekin bildu naiz gaur, egin dezakegunaren inguruan hitz egiteko. Ikasleek urtero, 4. mailan, lan teoriko-praktiko bat egin behar dute, 24 ECTSkoa (600 ordu). Aukera dago Euskarazko Wikipedia izateko lan horietako bat, zehazki bideo pedagogikoen lanketa egiteko. Sakoneko txosten teoriko bat eta produktu praktikoa aurkeztu behar dute, eta euren esku egon daiteke lana zeren inguruan egin nahi duten ikustea (guk gida batzuk emanda).
3 ikasleko taldetan egiten da, eta ikasle horiek segurua dute, MUren eskutik. Gure aldetik aukera dago beka bat emateko lan hori egiten dauden bitartean, baina ez da derrigorrezkoa. Nik hurrengo urteko aurrekontuan sartuko nuke ikasle talderik sortzen bada gai hau lantzeko.
Iraila-urrian zehar, talderik egongo balitz hau egiteko prest (paragrafo bat bidali beharko diet salmenta egiten) parrilla bat betetzen da, eskatzen denarekin. Laburpen bat bidali beharko litzaieke momentu horretan.
Azaroan aurkezpen bat egiten zaie, 5 minutukoa, lanaren nondik norakoak azaltzeko (nire kontu).
Abenduan lan hau egitea erabaki duen taldeak defentsa egin beharko luke, aukeraketarekin zergatiarekin.
Urtarrilan hitzarmena sinatuko litzateke, praktikaren nondik norakoak, beka... hori guztia.
Otsaila amaieratik maiatza amaierara arte jarduera osoz egongo lirateke 3 ikasle horiek praktikak gurekin egiten. Tutore bat jarri behar zaie, lanean laguntzeko.
Ekainaren 8an aurkezpen sozial bat egingo litzateke, eragile eta enpresa askorekin, eta 5 minutu dituzte egindko lana defendatzeko. Lanaren %20a tutoreak jartzen duen nota akademikoa da, bestea produktua eta prozesua direlarik.
Momentu honetan 12 proiektu garatzeko aukera dago, eta horietatik 8-9 inguru jada aukeratu dituzte. Beste 3-4 horiek aukeran daude, eta 8 hautagai egongo ginateke. Hau da, ez da ziurra hau egiterik dagoenik urte honetan, ikasleen interesaren arabera da.
Besterik gabe, euren zain geratzen gara (paragrafoa bidali eta gero) lan hau egingo den edo ez jakiteko. Hala ere, aukera politak ireki dira elkarlanean artikuluak lantzeko ere, batez ere ikusentzunezko kulturan, filmeetan etab... aukerak aztertu beharko dira zinemagintza eta kultura popularraren inguruan zerbait egiteko.