Koldo Mitxelena Kulturunea, Mintzola fundazioa, Auspoa eta EWKEren arteko elkarlan proposeman da honakoa. Antonio Zavalaren funtsak aztertu eta bertako zati batzuk askatu eta Wikipediaratzeko. Abiapuntu gisa, funts horietan agertzen diren emakumezko bertsolarien lanak izango genituzke aztergai. Wikiemakumeak mugimenduko Amaia Astobiza ere tartean dago. Atxikita bidaltzen dizuet proposamena.

Hiru bilera egin ditugu dagoeneko, bata KMK-rekin eta besteak Bertsozale Elkartea eta Mintzolarekin. Denek dute gustoko egitasmoa eta aurrera egiteko gogoa dago. Gipuzkoako Foru Aldundiarekin hitz egin eta finantziazioa lortzea litzateke gakoa. Mintzolak Antonio Zavalaren funtsen inguruan egitasmo zabalagoa dauka (haiek bertsolaritzaren ikuspegitik aztertu eta sailkatzekoa) eta beraiekin batera abenduan Aldundian aurkezteko proposamen egin digu.

Bestalde, Xenpelar Dokumentazio Zentroak bilera bat izan nahi luke gurekin, elkarren berri izan eta elkarlanerako proposamenak aztertzeko. Dagoeneko gaia beraien artean aztertu dute eta lanerako borondatez daude. Otsailerako utzi dugu hitzordua.