• Txantiloia egin dut jada: https://commons.wikimedia.org/wiki/Template:Teknopolis
• Lizentzia egokia gure aldetik cc-by-sa-4.0 izango litzateke.
• Transkripzioa igotzeko modurik egokiena deskribapenean izango litzateke. srt subtituluak egongo balira TimedText luzapena erabiltzea izango litzateke egokiena: https://commons.wikimedia.org/wiki/Commons:Timed_Text. Hala ere, momentuz praktika onena deskribapenean jartzea izango da.
• Kategoriak ere sortu ditut jada, baina txantiloiarekin automatikoki ikusiko dira gero: https://commons.wikimedia.org/wiki/Category:Elhuyar_Fundazioa
• Era berean, baGLAMa2 tresna erabilita ikustaldien jarraipena egiteko aukera bidali diot programaren garatzaileari.

Nahi duzuenean igotzeko aukera dago jada. Interesgarria izango litzateke hau abian jartzea, egiten ari garen guztia saltzeko arazoak izango baititugu ondoren. baGLAMa2 sisteman ere alta eman dizuete jada: https://bitbucket.org/magnusmanske/glamtools/issues/66/add-category-to-baglama

Begiratzen ari gara ea hauentzat transkribapenik badagoen. Espero dugu laster jakitea eta orduan igotzea.

Animazioen bideoek atzealdeko musika dute. Musika hori librea izan behar da, edo atzealdekoa den bitartean (baxu, moztuta...) berdin dio?

Kentzea derrigorrezkoa ikusten bada, kasu gutxi batzuetan erraz samar egin daiteke pista ezberdinetan daudelako ahotsa eta atzealdeko musika, baina kasu gehienetan pista bakarrean daude. Filtroen bidez kendu beharko litzateke, eta emaitza ez da perfektua izaten: musikaren arrasto batzuk gelditzen dira, ahotsa oker daiteke...

Txantiloia (https://commons.wikimedia.org/wiki/Template:Teknopolis) ingelesera ere itzuli dugu.

Bideoetako bat igo nahi izan dugu software bidez, baina ez da agertu, nahiz eta ez digun errorerik eman...

Eremuetakoren bat gaizki ote zegoen ikusteko, eskuz igo dugu (https://commons.wikimedia.org/wiki/File:Zer_dira_sentsoreak%3F.webm). Baina orain ez dugu asmatzen nola ezabatu, software bidez berriz saiatzeko...

Bide batez, ezabatzea lortzen dugun bitartean, balio dezake EWKEk aztertzeko ea eremu guztiak ongi dauden.

Ezin da ezabatu, administratzaile bati eskatu ahal zaio, baina ez du merezi igoko bada gero berriro ere.

Kontua da software bidez igotzeko proba gehiago ezin ditudala egin, esaten didalako hori jada existitzen dela... Beste izen batekin ez dut sortu nahi, jakinik ezin direla ezabatu... Eta beste bideorik momentuz ez dut prest (atzealdeko musikarena argitu bitartean ez dut uste komeni denik atzealdeko musikadun bideoak igotzea eta ez dut nahi musika denei kentzen ibiltzea azkenean beharrezkoa ez bada), gainera segun eta zenbat proba egin behar diren horiek ere gastatuko dira...

Nola egin nezake proba gehiago? Sandbox-ik edo badago Commons-en, gauzak igo eta ezabatu daitezkeena?

Sandbox bat badago, baina ezin dira fitxategiak igo eta ezabatu hor, bakarrik testuetarako da. Fitxategiak igo ondoren eska daiteke ezabatzea, baina ez dakit zenbat denbora beharko duten horretarako.

Musikarena, teknikoki izan beharko litzateke cc lizentzia batekoa, baina fondoan egonda ez dut uste arazo bat izango denik. Hala ere, egokiena izango litzateke zuek OTRS baimen bat betetzea guztirako (https://commons.wikimedia.org/wiki/Commons:OTRS/es), esanez zuen produktua dela eta lizentzia librean uzten duzuela orain. Musikarena norbaitek eztabaidatu nahi badu... ba liosoa izan daiteke, baina ez dut uste lehentasuna izango zenik.

Musikarekin egingo ditugu orduan. OTRS horri dagokionez, https://commons.wikimedia.org/wiki/Commons:Modelos_de_mensajes#Declaraci%C3%B3n_de_permiso_para_todas_las_peticiones helbideko moduko zerbaiti buruz ari zarela pentsatzen dut, baina ez dakit nola egin beharko litzatekeen... Elhuyarreko zuzendariak sinatu beharko luke? Ez dakit bera den egile eskubideen jabea edo egileak eurak diren... Hala bada, bideo bakoitzak egile bat baino gehiago du, eta ezberdinak gainera...

Bideoak igotzeko prest ditugu webm formatuan. Software bidez beste bideo bat igotzeko proba bat egin dut, eta oraingoan errorea eman dit, handiegia dela. https://commons.wikimedia.org/wiki/Commons:Video#Uploading_a_video helbidean diotenagatik, 100MBtik beherakoak izan behar dira. Hori baino handiagoak igotzeko hiru modu aipatzen dira:

• Upload Wizard-aren bitartez igotzea: bideo guztiak horrela eskuz igotzea lan handiegia litzateke; gainera, horrek lehenengo aldian soilik balioko luke, gero fitxategiaren bertsio berriak igotzeko ez du balio (https://phabricator.wikimedia.org/T115984 helbidean diotenez).
• Zerbitzarira igotzea eta handik arduradun batek eramatea Wikimedia Commons-era, https://commons.wikimedia.org/wiki/Help:Server-side_upload helbidean dioten bezala: zaila ikusten dut, lehenago zerbitzarirako sarbidea izan beharko baikenuke...
• Sistemaren administrari batek guri muga hori handitzea, https://commons.wikimedia.org/wiki/Help:Server-side_upload dioten bezala: hau izango litzateke egokiena gure ustez.

Posible ikusten duzue sistemaren administrariren batek muga guri handitzea? Edo hori ez bada posible, bigarrengoa?

Bestela, eskuz ez igotzeko azken aukera da bideo txikiagoak sortzea. Baina honek ere desabantaila asko ditu, bideoen kalitate galeraz gain: denak kalitate jakin berdin batera degradatzen badira bideorik handiena igo ahal izateko, txikiago batzuk alferrik degradatuta izango ditugu; bakoitzari igo ahal izateko kalitate-degradazio ezberdina egiten badiogu, kalitate ezberdineko bideoak izango ditugu; edozein kasutan, hainbat proba egin behar dira tamaina egokia lortu arte (ez baita 100 MB-ko muga zehatza, hori POST eskaeraren URLaren tamainarena da, fitxategiak are txikiagoak izan behar dute https://phabricator.wikimedia.org/T86436#1985331 helbidean diotenez )...

Azkenekoari kasurik ez. Ikusi dut gutxi batzuk zirela handiegiak (kasualitatea, igotzen saiatu naizena handiena) bitrate oso handia zutelako, eta besteek ez zutela kalitate arazorik. Denei besteen bitrate bera jarrita igo ahal izateko moduko tamaina hartzen dute.

Bestela ere UploadWizard ez da aukera txarra, nik horrela igotzen ditut fitxategiak eta ondo joaten da. Bat baino gehiago jar daiteke zerrendan eta gero bakoitzari aldatu deskribapena eta eskuz.

Bestetik, "bertsio berria igotzea" ez dut uste arazo handiegia denik, ez baita ohikoena hori. Beharko bagenu bertsio berri bat... ba ikusiko genuke nola egin.

Eta OTRSrena, egokiena da "enpresa bezala" egitea gutuna, bat guztientzat eta aski.

Bi bideo daude igota (https://commons.wikimedia.org/wiki/Category:Videos_uploaded_within_the_Basque_Education_program_agreement_with_Elhuyar_Fundazioa), bat eskuz eta bestea automatikoki. Begiratu ea metadatuak egokiak iruditzen zaizkizuen. Dena ongi dagoenean, prest daude beste 30ak automatikoki igotzeko.

Soinua arraro dago bideoetan: eskumako kanaletik musika entzuten da (konprimatuegia) eta ezkerrean ahotsa. Hau da, ez daude biak estereoan. Agian konprimatzearen kontu bat da, baina kanalen nahastekaren arazo bat dela esango nuke.

Bestela metadatuak nik ondo ikusten ditut horrela, bai.

Uste dut audioa kodetzeko erabilitako encoder-aren arazoa izan dela, ez zuen kalitate nahikoarekin kodetzen. Nire diskoko bertsioan ez zen nabaritzen, Wikipediak beste kalitate batzuetara kodetzean nabariagoa da....

Beste encoder bat erabili dut eta orain hobeto daudela uste dut, begiratu dezakezu badaezpada ere?

Audioak berdin jarraitzen du: hitzak ezkerretik eta musika eskumatik.

Bai, hala da, soilik egin nuen beste encoder batekin kalitatea hobetu, eta nik orain ongi entzuten dut (cache-a garbituta, zaharra berriz ez agertzeko). Baina egia da, azkenean musikarekin igo behar badugu, pistak nahastuta egingo dugu.

Kaixo! Jakin nahiko nuke hau zertan den. Bi aste igaro dira azken albisteaz eta dagoeneko egin duguna saltzen joateko garaia heldu da. Albisterik baduzu, eskertuko nuke, nire plangintzan sartzeko.

Bai, pastu egin zait informatuta edukitzea, barkatu.

Azken mezu hori bidali genuenean, EiTBri egin genion kontsulta ea atzealdeko musikarekin zer egin, beraiek baitakite norena den eta beraiek arduratu izan baitira egile-eskubideen ordainketaz. Eta ez dugu oraindik erantzunik jaso.

Bestela, animazioen bideo guztien bi bertsio ditut prest, bat atzealdeko musikarik gabe eta bestea atzealdeko musikarekin baina pista berean ahotsarekin nahastuta. Erantzuten digutenean eta erabakitzen dugunean berehala igotzeko moduan daude.

Nahi baduzu, bideo bat bidal diezazuket musikarekin eta musika gabe, zuk baloratzeko ea zenbateraino galtzen duen musikarik gabe eta zenbateraino merezi duen musikarena saiatzeak. Iruditzen bazaizue musikarik gabe nahikoa dela, segituan igo ditzakegu.

Pilulei dagokienez, Teknopolis-ekoek prestatzen ari dira.

Igo ditugu animazioen bideoak, musikarekin, 32 bideo guztira. Begiratu, mesedez, ea dena ongi dagoen, bestela konpon dezagun.

Ausaz batzuk ikusi ditut eta ondo daude! Ze ondo, orain iragarriko dut hau.

Pilulak dira falta direnak proiektu honetan, ezta?

@Aioramu

32 bideo hauetan: https://commons.wikimedia.org/wiki/Category:Videos_uploaded_within_the_Basque_Education_program_agreement_with_Elhuyar_Fundazioa atera behar da zeintzuk diren bakoitzean aipatzen diren gai nagusiak, eta artikuluetan sartzen joan. Lehen lana da zailena, akaso.

Bai, Pilulak falta dira. Beste 50 inguru omen dira. Teknopolis-ekoek pasatzearen zain gaude.

Kaixo,
Argibiderik pilulen egoeraren inguruan? Hori ixten badugu, lan hau bukatutzat emango genuke eta komunikazioa osoa egin.

Teknopolis-ekoek esan didate apirilean pasatu ahal izango dizkidatela. Beraiek pasatu ondoren, astebetean-edo prestatu eta igo ditzakegula kalkulatzen dut.